疑心病

亂世之下，妖魔當道。不愁賣的新股等等等，牛鬼蛇神趁空檔抽水。

恒大投資者推介會可謂難得一見的「佳作」，財經界知名人士，仲多過星光熠熠耀保良的總理。所謂知名，葉繼歡都好知名，希望散戶唔好見到彤叔、大劉，以為真係有金執。

好想寫一個「八仙過海共照恒大」的特稿，講講八仙之間的關係、做過什麼陰質事也夠過過癮。講真，不是為了這份「過癮」，做記者咁辛苦為乜？奈何找不到吸引主題而中止計劃。（well.....八仙.....何仙姑難道就是朱李「葉」華？！)

今日和上司討論一個問題：到底有沒有公司信得過呢？在於一個財記的立場，可能真的沒有。為乜我要信你呢？信你有金執？唔信你又咬我呀？

這種疑心病有時連自己都覺得煩。

然而這份不怕死，「我係唔信你，吹咩？」的自由，正是這份工作吸引人的地方。